YENİ MƏKTƏB BİNASI TİKİLİR
Heydər Əliyev Fondunun təşəbbüsü ilə rayonda dörd məktəb, o cümlədən Füzuli qəsəbəsində və Tatarlı kəndində hər biri 240 yerlik, Plankənd və Mehrili kəndlərinin hər birində isə 100 yerlik məktəb binaları tikilərək istifadəyə verilmişdir. Vergilər Nazirliyi tərəfindən 12 ümumtəhsil məktəbində əsaslı təmir işləri aparılmışdır. Ümumiyyətlə, ötən il rayon üzrə 1840 şagird yeri olan əlavə sinif otaqları inşa olunmuşdur ki, bu da məktəblərdəki şagird sıxlığını aradan qaldırmışdır. Hazırda Dəllər Cırdaxan kəndində tikilən 480 yerlik məktəb binasında son tamamlama işləri görülür. Müasir tədris avadanlığı ilə təmin ediləcək bu məktəb binasının yeni dərs ilinədək istifadəyə verilməsi nəzərdə tutulmuşdur.
Bölmənin digər xəbərləri
