YUNİFEM-İN TƏŞƏBBÜSÜ İLƏ TRENİNQLƏR KEÇİRİLİR
Birləşmiş Millətlər Təşkilatı Qadınlar üçün İnkişaf Fondunun (YUNİFEM) “Qadınlar Cənubi Qafqazda münaqişələrin qarşısının alınması və sülh yaradılması uğrunda” layihəsinin Azərbaycandakı nümayəndəliyinin təşəbbüsü ilə “Sülhyaratmada qadınların rolu” mövzusunda seminar-treninqlərin ikinci mərhələsi keçirilir. Treninqlər Azərbaycanın Gəncə, Sabirabad, Bərdə rayonlarında məcburi köçkün qadınlar arasında təşkil olunmuşdur.
YUNİFEM-dən AZƏRTAC-a bildirmişlər ki, treninqlərin birinci mərhələsi ötən il Azərbaycanın 48 rayonunda keçirilmişdir. Bu ilki seminarlarda həmin mərhələdə xüsusi fəallıq göstərən qadınlar iştirak edəcəklər.
Seminar-treninqlərdə münaqişələrin həllində, xalq diplomatiyasında, danışıqların aparılması və qərar qəbul edilməsi prosesində qadınların rolundan --qadın hərəkatı problemlərindən bəhs olunur. Bundan məqsəd qadınların münaqişələrin qarşısının alınması, sülh yaradılması prosesinə cəlb edilməsidir.
Hər üc rayonda “Koalisiya 1325”-in yerli şəbəkələri yaradılacaqdır.
Seminar-treninqlər aprelin 20-dək davam edəcəkdir.
Bölmənin digər xəbərləri
