Zak Braun F1 mərhələlərinin müxtəlif ölkələrdə növbə ilə keçirilməsini təklif edib
Bakı, 6 sentyabr, AZƏRTAC
“McLaren” komandasının rəhbəri Zak Braun hesab edir ki, Formula 1 mövsüm ərzində 22 mərhələni keçirməməlidir. Mərhələlərin müxtəlif ölkələrdə təşkilini növbələməlidir.
AZƏRTAC xəbər verir ki, “Motorsport-Total” Zak Braunun bu sözlərini sitat gətirir: “Futbol üzrə dünya çempionatı və ya Olimpiya Oyunları dörd ildən bir keçirilir. Məgər bu variant deyilmi ki, Avstriya və Almaniya bir-birini əvəz etsin? Yaxud İspaniya və Niderland. Mərhələlər yarış bazarında qalacaq. Bununla da müəyyən eksklüzivliyi yaradacaqlar, çünki hər il keçirilməyəcək”.
Xatırladaq ki, növbəti mövsümdə Formula 1-in təqvimində rekord sayda - 22 mərhələ, o cümlədən təqvimə qayıdan Niderland Qran-Prisi və debüt edən Vyetnam Qran-Prisi olacaq.
Bölmənin digər xəbərləri
