Zelenski: Hazırda Ukrayna ordusunun sayı 880 min nəfərdir
Bakı, 29 yanvar, AZƏRTAC
Hazırda Ukrayna Silahlı Qüvvələrində təxminən 880 min hərbçi xidmət edir.
AZƏRTAC xəbər verir ki, Ukrayna Prezidenti Volodimir Zelenski bu rəqəmi ARD telekanalına müsahibəsində səsləndirib. Dövlət başçısı, həmçinin müharibə başlayandan bəri 6,5-7,5 milyon nəfərin ölkəni tərk edərək xaricə getdiyini deyib.
Volodimir Zelenski 2023-cü ilin dekabrında Ukrayna Quru Qoşunlarında şəxsi heyətin sayının 600 min nəfərdən çox olduğunu bildirmişdi. 2022-ci ilin fevral ayında isə Ukrayna Silahlı Qüvvələrində 260 minə yaxın hərbçi xidmət edirdi ki, bunun da təxminən 250 min nəfəri quru qoşunlarında idi.
Bölmənin digər xəbərləri
