Zərdabda indiyədək tarlalardan 6842 ton “ağ qızıl” yığılıb
Zərdab, 23 noyabr, AZƏRTAC
Zərdab rayonunda pambıq yığımı davam edir və hələlik tarlalardan 6842 ton “ağ qızıl” yığılıb.
Rayon icra hakimiyyətindən AZƏRTAC-ın bölgə müxbirinə verilən məlumatda bildirilir ki, cari mövsümdə Zərdabda 3070 hektar sahədə pambıq yetişdirilib. İndiyədək məhsulun 20 faizdən çoxu pambıqyığan maşınlarla yığılıb. Məhsul yığımına, habelə 3000 nəfərədək işçi qüvvəsi cəlb olunub. Toplanan pambıq “MKT” MMC və “P-Aqro” MMC tərəfindən qəbul olunur.
Builki mövsümdə rayonun Bəyimli, Şahhüseyinli, İsaqbağı və bir sıra digər ərazi icra nümayəndəliklərində daha yüksək məhsuldarlığa nail olunur. Havaların son vaxtlar pambıq yığımı üçün əlverişsiz keçməsinə baxmayaraq, rayonda məhsulun son qozasınadək toplanması üçün ciddi səy göstərilir.
Bölmənin digər xəbərləri
