ZİDANIN ANASI OĞLUNUN HƏRƏKƏTİNİ QEYD-ŞƏRTSİZ BƏYƏNİR
O demişdir: “Oğlum öz ailəsinin namus və şərəfini qorudu. Əgər Materatssi mənim barəmdə, doğrudan da, təhqiramiz sözlər söyləmişsə, ona nifrət edirəm. Belə olan halda, mən onun kişilikdən məhrum edilməsini istərdim. Nə futbol meydanında, nə də ondan kənarda belə sözlər demək olmaz”.
Çoxsaylı ehtimallardan birinə görə, Materatssi onunla Zidan arasında qısamüddətli deyişmədə rəqibinin anasını “fahişə terrorçu” adlandırmışdır. Lakin italyanın özü hələ iyulun 10-da bu ittihamı rədd edərək demişdir ki, ana onun üçün həyatda ən müqəddəs varlıqdır.
Məlikə Zidan demişdir ki, Zinədinin idman karyerasının belə başa çatmasından onların ailəsində hamı çox pərişan olmuşdur. Heyif ki, onu oyundan çıxardılar. Əvəzində oğlum öz qeyrətini qorudu. Bilirsinizmi, elə şeylər var ki, onlar futboldan daha əziz və dəyərlidir.
Bölmənin digər xəbərləri
