ZONA SEMİNAR–MÜŞAVİRƏSİ KEÇİRİLMİŞDİR
Gəncə, Naftalan, Xocalı şəhərlərinin, Samux, Şəmkir, Xanlar, Kəlbəcər, Tovuz, Qazax, Ağstafa, Gədəbəy, Daşkəsən, Goranboy rayonları əmək və əhalinin sosial müdafiəsi mərkəzləri rəhbərlərinin, habelə baş mühasiblərin və bölmə müdirlərinin iştirakı ilə keçirilən seminar-müşavirəni Gəncə Şəhər İcra Hakimiyyətinin başçısı Eldar Əzizov açaraq, Prezident İlham Əliyevin son illər əhalinin sosial vəziyyətinin yaxşılaşdırılması sahəsində həyata keçirdiyi tədbirlərdən, həmçinin aztəminatlı ailələrin yaşayış səviyyəsinin yaxşılaşdırılması ilə bağlı ölkə başçısının imzaladığı Fərmanın əhəmiyyətindən danışmışdır.
Əmək və əhalinin sosial müdafiəsi naziri Füzuli Ələkbərovun və nazirliyin yoxsulluq problemləri və ünvanlı sosial yardım siyasəti şöbəsinin müdiri Əbülfət İmanovun Prezident Fərmanının yerinə yetirilməsi istiqamətində görülən işlərdən və bu sahədə yerli orqanların qarşısında duran vəzifələrdən bəhs edən məruzələri dinlənilmişdir.
Müşavirədə sosial yardıma ehtiyacı olan əhali təbəqəsinin qeydiyyatı, ünvanlı sosial yardım alacaq insanların lazımi sənədlərlə təmin olunması və s. məsələlərlə bağlı suallara aydınlıq gətirilmişdir.
