Ali Can Yılmaz: “Bakı-2017”də qızıl medal qazandığımız üçün çox xoşbəxtik VİDEO
Bakı, 17 may, L.Mustafayeva, P.İmanova, AZƏRTAC
IV İslam Həmrəyliyi Oyunlarının Azərbaycanda keçirilməsi çox sevindirici haldır. Burada özümüzü doğma vətənimizdəki kimi hiss edirik. Oyunların açılış mərasimi isə möhtəşəm oldu. Yüksək səviyyədə qarşılanmaya görə komandamız adından qardaş ölkə Azərbaycana minnətdarlığımızı bildiririk.
Bu sözləri AZƏRTAC-a müsahibəsində su polosu üzrə Türkiyə millisinin kapitanı Ali Can Yılmaz bildirib.
“Finalda İranla qarşılaşmağımız çox maraqlı idi. Oyunun gərgin keçməsinə və komandamızın üzvlərinin yaşca rəqiblərimizdən kiçik olmasına baxmayaraq qalib gələ bildik. Oyun tamaşaçılar tərəfindən də çox maraqla izlənildi. Bunu azarkeşlərin alqış sədalarından hiss edə bilirdik. “Bakı-2017”də qızıl medal qazandığımız üçün çox xoşbəxtik”, - deyə A.C.Yılmaz əlavə edib.
Bölmənin digər xəbərləri
