“Sərhədçi” komandası çövkən milli atüstü oyunları üzrə “Prezident Kuboku” turnirinin qalibi olub
Bakı, 24 dekabr, AZƏRTAC
Dekabrın 24-də Binə Atçılıq Mərkəzinin qapalı manejində keçirilən çövkən milli atüstü oyunu üzrə “Prezident Kuboku” turnirinə yekun vurulub.
AZƏRTAC xəbər verir ki, turnirin sonuncu günündə oyunları Dövlət Təhlükəsizlik Xidmətinin rəisi Mədət Quliyev, mədəniyyət və turizm naziri Əbülfəs Qarayev və Azərbaycan Atçılıq Federasiyasının prezidenti Elçin Quliyev izləyiblər.
Bürünc medallar uğrunda “Ağcabədi” və “Ağstafa” komandaları mübarizə aparıb. Oyunda 3:0 hesabı ilə qalib gələn “Ağcabədi” bürünc medala layiq görülüb.
Final qarşılaşmasında isə “Sərhədçi” və “Polad” komandaları qarşılaşıb. Gərgin mübarizə şəraitində keçən oyunda “Sərhədçi” komandası 2:1 hesabı ilə qalib gələrək çempion adını qazanıb.
Qaliblərə kubok, medal və diplomlar təqdim olunub.
Bölmənin digər xəbərləri
