1969-CU İLDƏN BƏRİ İLK DƏFƏ OLARAQ QADIN BMT BAŞ MƏCLİSİNİN SƏDRİ SEÇİLMİŞDİR

09.06.2006 [12:37]
Çap et
A⁺ A^-

AZƏRTAC İTAR-TASS-a istinadla xəbər verir ki, Bəhreyn diplomatı Hayya Rəşid əl-Xəlifə BMT Baş Məclisinin 61-ci sessiyasının sədri seçilmişdir. O, BMT tarixində bu yüksək vəzifəni tutan üçüncü qadındır. Bu vəzifədə o, İsveçin xarici işlər naziri Yan Eliassonu əvəz edəcəkdir. Əl-Xəlifə bu vəzifəyə 52 ölkədən ibarət olan Asiya regional qrupu tərəfindən konsensusla namizəd göstərilmişdi.

BMT Baş Məclisinin 61-ci sessiyası sentyabrın 19-da Nyu-Yorkda başlanacaqdır.

Əl-Xəlifə 2000-2004-cü illərdə Bəhreynin Fransada və əvəzçiliklə Belçika, İsveçrə və İspaniyada səfiri olmuş, eyni zamanda, öz ölkəsini YUNESKO-da təmsil etmişdir. Təhsilcə hüquqşünasdır. Bəhreyn Əmirlik Məhkəməsinin müşaviridir.

Əl-Xəlifədən əvvəl BMT Baş Məclisinin sədri vəzifəsini 1953-cü ildə Vicaya Lakşmi Pandit (Hindistan) və 1969-cu ildə Anci Bruks (Liberiya) tutmuşlar.

1969-CU İLDƏN BƏRİ İLK DƏFƏ OLARAQ QADIN BMT BAŞ MƏCLİSİNİN SƏDRİ SEÇİLMİŞDİR

MÜƏLLİFLƏ ƏLAQƏ

Bölmənin digər xəbərləri