Bakı, 4 oktyabr, AZƏRTAC

2024-cü ildə Fransanın paytaxtında keçiriləcək Yay Olimpiya Oyunları ərəfəsində Parisin otellərində kirayə qiymətləri 3,5 dəfədən çox artıb.

AZƏRTAC xəbər verir ki, bu barədə “Bloomberg” məlumat yayıb.

Agentliyin məlumatına görə, üçulduzlu oteldə bir otaq icarəyə götürmək artıq bir gecə üçün 685 dollara başa gələ bilər. Halbuki turizm mövsümünün ən pik vaxtında (iyulda) orta qiymət “Google”a görə təxminən 178 dollar olub. Olimpiada zamanı dördulduzlu oteldə bir otağın qiyməti 953 dollardır, lakin əvvəl 266 dollar idi.

“Expedia Group” turizm şirkətinin nümayəndəsi bildirib ki, Parisdə Olimpiada zamanı daha sərfəli yaşayış variantlarının orta qiyməti təxminən 500-600 dollar olacaq. Hansı ki əvvəllər eyni məbləğə lüks xidmətlərdən istifadə etmək olardı.