20 YANVAR FACİƏSİNİN İLDÖNÜMÜ İLƏ ƏLAQƏDAR İNTERNET-AKSİYA KEÇİRİLİR
Bakı, 19 yanvar (AZƏRTAC). Gənclər üçün Təhsil Mərkəzi (GTM) 20 Yanvar faciəsinin iyirminci ildönümü ilə əlaqədar internet-aksiya keçirir.
İki gün davam edəcək aksiyanın məqsədi Azərbaycan gəncliyi adından dünya ictimaiyyətinə, xüsusilə də beynəlxalq təşkilatlara 20 Yanvar faciəsi ilə bağlı həqiqətləri çatdırmaq və bu faciəyə hüquqi qiymətin verilməsini tələb etməkdir.
Yanvarın 19-da keçirilən aksiyada əvvəlcədən müəyyən edilmiş qrafikə uyğun olaraq gənclər internet vasitəsilə 20 Yanvar faciəsi ilə əlaqədar məqalə, foto, bəyanat və bu kimi digər materialları dünyanın müxtəlif nöqtələrinə, beynəlxalq təşkilatların elektron ünvanlarına, məşhur internet səhifələrə, xarici qəzet və jurnallara göndərmişlər.
Aksiya yalnız Azərbaycanda deyil, paralel olaraq dünyanın müxtəlif ölkələrində təhsil alan GTM üzvləri tərəfindən də həyata keçirilir.
Bölmənin digər xəbərləri
