“20 YANVAR” VƏ “QAÇQINLAR” BİZİM QAN YADDAŞIMIZDIR
Bakı, 19 yanvar (AZƏRTAC). Azərbaycan Bəstəkarlar İttifaqında 20 Yanvar şəhidlərinə və qaçqınlara həsr olunmuş “20 Yanvar” və “Qaçqınlar” sənədli filmlərinin nümayişi keçirilmişdir.
Cahangir Zeynalov hər iki sənədli filmin rejissoru kimi o qanlı-qadalı illərdə Azərbaycanda baş verən hadisələri, xəstəxanalarda yaralıları, qaçqın düşərgələrində qaçqınların əzab-əziyyətlərini ürəkağrısı ilə lentin yaddaşına köçürərkən, bunu özünün vətəndaşlıq borcu olduğunu söyləmişdir. O qeyd etmişdir ki, hər iki film xalq artisti Firəngiz Əlizadənin dəstəyi ilə artıq Amerikada və Türkiyədə nümayiş etdirilmişdir.
Bəstəkarlar İttifaqı idarə heyətinin sədri, xalq artisti Firəngiz Əlizadə, Bakı Musiqi Akademiyasının kafedra müdiri, sənətşünaslıq doktoru, professor Ramiz Zöhrabov bildirmişdir ki, xalqımızın tarixində hüzn və şərəf günü olan 20 Yanvar faciəsinin dünyaya tanıdılmasında hələ çox işlər görülməlidir.
Sonda hər iki film nümayiş etdirilmişdir.
Bölmənin digər xəbərləri
