Berlin, 30 may, AZƏRTAC

Azərbaycanın Müstəqillik Günü münasibətilə Almaniyanın Bavariya əyalətinin Erlangen şəhərində tibb üzrə təhsilini artıran ictimai fəalımız Hüseyn Kamalzadə tərəfindən “De Villa” Mədəniyyət Mərkəzində gecə təşkil edilib. Sözügedən tədbirdə Bakı Media Mərkəzinin prezidenti Arzu xanım Əliyevanın baş prodüseri olduğu "Son iclas" filmi nümayiş olunub.

AZƏRTAC xəbər verir ki, mərasim Erlangen şəhər meriyasının və Almaniyadakı səfirliyimizin dəstəyi ilə keçirilib.

Tədbirdə Erlangen şəhər bələdiyyəsinin rəhbərliyi, Yəhudi Mədəniyyət Mərkəzinin fəalları, Türk Mədəniyyət Mərkəzinin sədri, eləcə də 14 fərqli ölkənin təmsilçiləri iştirak ediblər.

Qonaqlara Müstəqillik Günümüz barədə məlumat verilib, eləcə də filmin nümayişindən sonra müzakirələr aparılıb.

Sonda milli şirniyyatlarımızdan ibarət çay süfrəsi təşkil edilib.

Vüqar Seyidov

AZƏRTAC-ın xüsusi müxbiri

Berlin