3 İL ƏRZİNDƏ İRAQDA 40 MİNDƏN ÇOX ADAM HƏLAK OLMUŞDUR
Məlumatda deyilir ki, bu müddətdə ABŞ ordusunun 2 min 322 hərbi qulluqçusu, digər koalisiya ölkələrinin isə 207 əsgəri həlak olmuşdur. İraq ordusu 4 min 895 nəfərdən 6 min 370 nəfərədək qurban vermişdir. Sonuncu rəqəmlərdəki qeyri-dəqiqlik Səddam Hüseyn ordusunun 2003-cü ilin mart-aprel aylarındakı itkiləri haqqında dəqiq informasiyanın yoxluğu ilə izah olunur. Mülki əhali arasında itkilər barədə də dəqiq məlumat yoxdur. Müstəqil ictimai təşkilatın açıq informasiya mənbələrinə istinadla topladığı məlumata görə, bu rəqəm 33 min 773 nəfərdən 37 min 895 nəfərədəkdir.
Əvvəlki məlumata görə, İraqda üç il ərzində gedən müharibə zamanı yüz mindən çox dinc sakin həlak olmuşdur.
