Ukraynanın Zaporojye vilayətində hava hücumu nəticəsində ölənlərin sayı 17 nəfərə çatıb YENİLƏNİB VİDEO
Kiyev, 10 oktyabr, AZƏRTAC
Rusiya ordusunun Ukraynanın Zaporojye vilayətinə endirdiyi idarəolunan bombalar nəticəsində həlak olan mülki şəxslərin sayı 17 nəfərə çatıb.
AZƏRTAC xəbər verir ki, bu barədə Ukrayna Fövqəladə Hallar üzrə Dövlət Xidməti məlumat yayıb. Həlak olanlardan 3-ü uşaqdır. Daha 18 nəfər xəsarət alıb, onlardan da 3-ü uşaqdır.
Axtarış-xilasetmə əməliyyatları davam edir.
15:01
Ukraynanın Zaporojye vilayətində hava hücumu nəticəsində ölənlərin sayı səkkizə çatıb, 16 nəfər isə yaralanıb.
AZƏRTAC xəbər verir ki, bu barədə Zaporojye Regional Müdafiə Şurasının həmsədri İvan Fyodorov özünün “Telegram” kanalında bildirib.
O qeyd edib: “Zaporojyedə hava hücumu nəticəsində ölənlərin sayı səkkizə çatıb. Onların arasında üç uşaq var”.
Fyodorovun sözlərinə görə, yaralıların sayı 16-ya çatıb, onlardan üçü uşaqdır. Yaralılardan ikisinin vəziyyəti ağır, digərlərinin isə orta ağırdır.
Daha 12 nəfərin taleyi hələ də məlum deyil. Axtarış-xilasetmə əməliyyatları davam edir.
Zaporojyedə həlak olanlar üçün oktyabrın 11-də matəm günü elan edilib.
Bölmənin digər xəbərləri
