Birinci Avropa Oyunlarında informasiya və telekommunikasiya xidmətləri yüksək səviyyədə təşkil olunacaq VİDEO
Bakı, 4 avqust (AZƏRTAC). Birinci Avropa Oyunlarının 2015-ci ildə Bakıda keçirilməsi üzrə yaradılan Təşkilat Komitəsinin tövsiyələrinə uyğun olaraq, oyunların keçiriləcəyi 20 stadion, arena və idman mərkəzlərinin, habelə 41 təşkilati məkanın keyfiyyətli və dayanıqlı telekommunikasiya, internet və mobil xidmətlərlə təmin edilməsi Rabitə və Yüksək Texnologiyalar Nazirliyinə (RYTN) həvalə olunub.
RYTN-dən AZƏRTAC-a verilən məlumata görə, bu məqsədlə I Avropa Oyunlarının təşkili üzrə yaradılmış Bakı Avropa Oyunları Əməliyyat Komitəsi ilə nazirlikdə mütəmadi müzakirələr aparılır. Eyni zamanda, rabitə və telekommunikasiya xidmətlərinə tələbat müəyyənləşdirilir və bu xidmətlərin yüksək səviyyədə təşkil olunması üçün müvafiq tədbirlər görülür.
Bölmənin digər xəbərləri
