Bakı, 6 may (AZƏRTAC). Bakı İdman Sarayında ümummilli lider Heydər Əliyevin xatirəsinə həsr edilmiş boks üzrə beynəlxalq turnir başa çatmışdır.

8 çəki dərəcəsində mübarizə aparan Azərbaycan boksçularından Salman Əlizadə (46 kq), Salman İbrahimov (48 kq), Novruzəli Əliyev (67 kq), Teymur Məmmədov (80 kq) və Hacıbaba Hacıbalayev (86 kq) qızıl medallara layiq görülmüşlər.

Digər çəki dərəcələrində Burqut Haciboyev (50 kq, Özbəkistan), Rəmzi Uyar (52 kq, Türkiyə), İqor Xaritonov (54 kq, Rusiya), Maksim Şmiqlev (60 kq, Rusiya), Dmitri Rubtsov (63 kq, Rusiya), Maykl Rekli (66 kq, İrlandiya), Uorl Jozef (70 kq, İrlandiya), Pavel Makarov (75 kq, Rusiya) qalib gəlmişlər.

Ümumi hesabda idmançılarımız 5 qızıl, 7 gümüş və 10 bürünc medal qazanmışlar. Beləliklə, cəmi 22 medal qazanmış Azərbaycan yığma komandası turnirin qalibi olmuşdur. Rusiya komandası ikinci, Özbəkistan yığması isə üçüncü yeri tutmuşdur.

Xatırladaq ki, keçənilki turnirdə Azərbaycan boksçuları 6 qızıl, 3 gümüş və 12 bürünc medal qazanmışlar.

######