İsmail Beqai: ABŞ ilə danışıqlarda irəliləyiş əldə edilib
Bakı, 25 may, AZƏRTAC
İran və ABŞ bir sıra məsələlər barədə razılığa gəliblər, lakin bu, tezliklə razılaşmanın imzalanacağı demək deyil.
AZƏRTAC xəbər verir ki, “The Guardian” qəzeti bu barədə İranın Xarici İşlər Nazirliyinin nümayəndəsi İsmail Beqaiyə istinadla məlumat yayıb. “Müzakirə olunan məsələlərin əhəmiyyətli bir hissəsi üzrə razılığın əldə edildiyini əminliklə demək olar. Lakin bu, tezliklə razılaşmanın imzalanacağı demək deyil”, - deyə İsmail Beqai bildirib.
Diplomat ABŞ və İranın Hörmüz boğazının idarəsi ilə bağlı məsələləri anlaşma memorandumu layihəsinə salmadıqlarını deyib. Onun sözlərinə görə, boğazın idarəsi məsələsi sahilyanı dövlətlər tərəfindən həll ediləcək.
İsmail Bəqayi, həmçinin sülh müqaviləsi çərçivəsində anlaşma memorandumunun və nüvə proqramı ilə bağlı müzakirələrin 60 gün ərzində müzakirə edilməli olduğunu vurğulayıb.
“Tərəflər 60 gün ərzində anlaşma memorandumunun müəyyən detalları və digər məsələlər üzrə müzakirələr aparmalıdır. Onlardan biri mütləq nüvə proqramı ilə bağlıdır. Hazırkı mərhələdə biz nüvə proqramının detallarını müzakirə etmirik və 14 bənddən ibarət anlaşma memorandumu müharibənin dayandırılmasına yönəlib”, - deyə XİN nümayəndəsi əlavə edib.
Bölmənin digər xəbərləri
