Leysan və daşqınlar Şimali Qafqazın yaşayış məntəqələrini ətraf dünyadan təcrid edib
Moskva, 25 may, AZƏRTAC
Çeçenistan, Dağıstan və İnquşetiyada yeni güclü yağış və daşqın dalğası nəticəsində bir neçə yaşayış məntəqəsi ilə nəqliyyat əlaqəsi kəsilib, bir nəfər ölüb, iki sakin yaralanıb.
AZƏRTAC xəbər verir ki, Dağıstanda güclü yağışlar dağlıq bölgələri birləşdirən dörd əsas yolu yuyub aparıb. Mahaçqala və Xasavyurtda elektrik stansiyalarında subasma səbəbindən iki mindən çox insan elektriksiz qalıb. Xverec kəndi yaxınlığında doqquz kilometrlik yol bağlanıb.
Dağıstan paytaxtında güclü yağışlar nəticəsində yollarda subasmalar nəqliyyatın hərəkəti müvəqqəti məhdudlaşdırıb.
İnquşetiyada yollarda torpaq sürüşməsi baş verib və təcili yardım xidmətləri dağlıq ərazilərə getməməyi məsləhət görüb. Dünən gecə Çeçenistanın Aqıştı kəndindəki Bas çayında təxminən 300 metr uzunluğunda bənd partlayıb. Nəticədə 20 ailə təxliyə edilib, səkkiz ev su altında qalıb.
Bölmənin digər xəbərləri
