Türkiyənin Şanlıurfa şəhərində parklar və restoranlar su altında qalıb
Ankara, 25 may, AZƏRTAC
Fərat çayındakı Birecik su anbarının daşması nəticəsində Şanlıurfa hakimiyyəti bəndin qapılarını açmaq qərarına gəlib və Türkiyənin cənub-şərq əyalətinin bir neçə ərazisində mağazalar, parklar və restoranlar su altında qalıb. Sakinlərə bu zəruri, lakin nəzarət edilən tədbir barədə əvvəlcədən xəbərdarlıq edilib.
AZƏRTAC xəbər verir ki, son bir həftə ərzində Fərat çayında suyun səviyyəsi bəzi yerlərdə 3-4 metr artıb. Güclü axınlar bir neçə körpünün dayaqlarına zərər verib. Dayaqlar üzərində tikilmiş kafe və restoranlar bağlanıb. Sahil icmalarının sakinlərinə çaydan uzaq durmaq tövsiyə edilib.
Yeddi il sonra Şanlıurfada Cənub-Şərqi Anadolu İnkişaf Layihəsi (GAP) çərçivəsində tikilmiş başqa bir böyük su anbarı olan Atatürk Su Anbarının şlüzləri də açılıb. Anadolunun bu hissəsində suvarma və elektrik enerjisi istehsalına əhəmiyyətli töhfəsi ilə tanınan Fərat çayındakı ölkənin ən böyük su anbarlarından birinin bəndindən su sızması əvvəllər - 2004 və 2019-cu illərdə də baş vermişdi.
Şanlıurfa əyalətinin Siverek rayonuna güclü yağışlarla yanaşı, dolu da yağıb, kənd təsərrüfatı torpaqlarına ziyan dəyib.
Bölmənin digər xəbərləri
