“Sabah”ın futbolçusu Özbəkistan millisinin dünya çempionatı üçün ilkin heyətinə çağırılıb
Bakı, 25 may, AZƏRTAC
Futbol üzrə Özbəkistan millisinin dünya çempionatı üçün ilkin heyəti açıqlanıb.
AZƏRTAC Özbəkistan Futbol Assosiasiyasının rəsmi saytına istinadən xəbər verir ki, 30 futbolçunun daxil edildiyi siyahıda “Sabah”ın yarımmüdafiəçisi Umarali Raxmonaliyevin də adı var.
Özbəkistan yığması Portuqaliya, Konqo Demokratik Respublikası və Kolumbiya ilə birlikdə K qrupunda mübarizə aparaq.
Qeyd edək ki, dünya çempionatı iyunun 11-dən iyulun 19-dək ABŞ, Kanada və Meksikada təşkil olunacaq.
Xatırladaq ki, “Sabah” Azərbaycan çempionatını və ölkə kubokunu qazanmaqla, geridə qalan mövsümü 2 titulla başa vurub.
Bölmənin digər xəbərləri
