SİYASƏT


Avstraliyada ermənilərin növbəti təxribatının qarşısı uğurla alınıb

Tokio, 21 iyun, AZƏRTAC

Avstraliyada yaşayan azərbaycanlıların uğurlu müdaxiləsi nəticəsində bu ölkədəki erməni icmasının növbəti təxribatının qarşısı alınıb.

AZƏRTAC xəbər verir ki, erməni icması ölkə parlamentinin rəsmi səhifəsində “Dağlıq Qarabağdakı ermənilərin öz müqəddəratını təyin etmək hüququnun tanınması” adlı petisiya yerləşdirib. Bu təxribata soydaşlarımız parlamentin rəsmi səhifəsində “Milli, etnik, dini qruplar öz münaqişələrini Avstraliyanın daxilinə gətirməməlidir” adlı petisiya yerləşdirməklə cavab veriblər.

Eyni zamanda, Avstraliya İttifaqının xarici işlər naziri xanım Meris Peyn petisiya ilə əlaqədar ermənilərin gözləntilərini doğrultmayıb. Nazirin erməni milli komitəsinə ünvanladığı məktubda bildirilib ki, ölkəsi münaqişənin daimi sülhlə həllinə dair danışıqlar aparan ATƏT-in Minsk Qrupunun səylərini və 2020-ci il noyabrın 10-da imzalanmış üçtərəfli sazişi dəstəkləyir. Məktubda deyilir: “Biz hesab edirik ki, 2020-ci il noyabrın 10-da imzalanmış atəşkəsə haqqında üçtərəfli razılaşma bu nəticənin əldə olunmasına imkan yaradır”.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.