ELM VƏ TƏHSİL


Azərbaycan Memarlıq və İnşaat Universitetinin adı beynəlxalq reytinq sistemlərinə daxil edilib

Bakı, 21 iyun, AZƏRTAC

Azərbaycan Memarlıq və İnşaat Universitetinin adı (AzMİU) dördüncü dəfə U-Multirank beynəlxalq reytinq sisteminə daxil edilib.

AzMİU-dan AZƏRTAC-a bildirilib ki, U-Multirank Avropa İttifaqı tərəfindən yaradılan ən böyük beynəlxalq reytinq sistemidir. Artıq 5-ci ildir ki, U-Multirank dünya universitetlərini müxtəlif parametrlər üzrə qiymətləndirir. Universitetlər müxtəlif kateqoriyalar üzrə ekspertlər tərəfindən qiymətləndirilir. AzMİU bu il Avropa ekspertləri tərəfindən qiymətləndirilərək 6 göstərici üzrə yüksək nəticə əldə edərək “B” kateqoriyasını alıb. Universitet ilk dəfə bu reytinqə 2015-ci ildə daxil olub.

AzMİU, eyni zamanda, 2010-cu ildən bu günə qədər hər il nəşr olunan Round University Ranking beynəlxalq reytinq sistemində ikinci dəfə yer alıb və texniki elmlər üzrə 582-ci yerdə qərarlaşıb. Azərbaycan universitetləri arasında AzMİU bu beynəlxalq reytinq sisteminə daxil olan yeganə universitetdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.