“Azərbaycan incəsənəti əsrlərin qovşağında” sərgisi açılmışdır
Bakı, 8 oktyabr (AZƏRTAC). Azərbaycan Dövlət İncəsənət Muzeyində “Azəbaycan incəsənəti əsrlərin qovşağında” sərgisi açılmışdır.
AZƏRTAC xəbər verir ki, sənətsevərlərə 100-ə yaxın əsərin təqdim olunduğu sərginin açılış mərasimində mədəniyyət və turizm naziri Əbülfəs Qarayev, ölkənin tanınmış elm və incəsənət xadimləri iştirak etmişlər.
Tədbirdə çıxış edənlər qonaqlara sərgi haqqında ətraflı məlumat vermişlər. Bildirilmişdir ki, belə sərgilər Azərbaycan rəssamlıq sənətinin tanıdılmasında və öyrənilməsində mühüm rol oynayır.
Təqdim olunan əsərlər ötən əsrin 60-cı illərindən 2000-ci ilə qədər olan dövrü əhatə edir.
“Azərbaycan əsrlərin qovşağında” sərgisi 2 ay davam edəcəkdir.
Bölmənin digər xəbərləri
