Avropa Superliqası layihəsi başlamadan bitib
Bakı, 11 fevral, AZƏRTAC
Futbol üzrə Avropa Superliqası keçirilməyəcək.
AZƏRTAC xəbər verir ki, layihənin əsas təsisçisi “Real Madrid” və onun rəqibi UEFA turnirin baş tutmayacağını açıqlayıb.
Tərəflər Avropa futbolunun gələcəyi naminə ortaq məxrəcə gəliblər. Bu razılaşma Superliqa ilə bağlı hüquqi mübahisələrin həllinə də xidmət edəcək.
Qeyd edək ki, əvvəlcə Superliqa layihəsinə Avropanın 12 nəhəng komandası qoşulmuşdu. Lakin FIFA və UEFA-nın sanksiya təhdidindən sonra klublar geri addım atıblar. Son olaraq “Barselona” layihədən çıxdığını elan edib.
Bölmənin digər xəbərləri
