İDMAN


Azərbaycanın idman gimnastları “Tokio 2020” Yay Olimpiya Oyunlarına lisenziya qazanıblar

Bakı, 13 oktyabr, AZƏRTAC

Bədii gimnastlarımızın ardınca, kişi və qadın idman gimnastlarımız da “Tokio 2020” Yay Olimpiya Oyunlarına lisenziya qazanıblar.

AZƏRTAC xəbər verir ki, onlar bu uğuru Almaniyanın Ştutqart şəhərində keçirilmiş idman gimnastikası üzrə dünya çempionatında əldə ediblər.

Qadın idman gimnastikası üzrə təmsilçimiz Marina Nekrasova və kişi idman gimnastımız İvan Tixonov çoxnövçülük üzrə təsnifat mərhələlərində yetərli xal toplayaraq Olimpiya Oyunlarına vəsiqəni qazanıblar.

Qeyd edək ki, M.Nekrasovanın əldə etdiyi lisenziya Azərbaycanın qadın idman gimnastikası tarixində qazanılmış ilk Olimpiya lisenziyasıdır və idmançımız Olimpiadada bu növ üzrə ilk dəfə Yaponiya paytaxtında mübarizə aparacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.