FHN: Sumqayıtda avtomobil parkında baş vermiş yanğın söndürülüb
Bakı, 28 iyul, AZƏRTAC
Sumqayıt şəhərində yerləşən yük avtomobillərinin dayanacağı və təmiri parkının ərazisində yanğınla nəticələnən partlayış hadisəsi baş verib. Yanğın nəticəsində təmirə dayanmış “DAF” markalı yük avtomobilinin birinci qoşqusunun yanar hissələri, ikinci qoşqusunun arxa hissəsi və yaxınlıqda dayanmış “VAZ” markalı minik avtomobilinin yanar hissələri yanıb. Qoşqunun qalan hissəsi, yaxınlıqda olan digər qoşqular və təmir sexləri yanğından mühafizə olunub.
Fövqəladə Hallar Nazirliyindən AZƏRTAC-a bildiriblər ki, alov yanğın bölmələri tərəfindən söndürülüb.
Hadisə nəticəsində yanıq xəsarətləri almış dörd nəfər - 1951-ci il təvəllüdlü Rüstəmov Fərhad Əhməd oğlu, Məlikov Miri Bəhmən oğlu, 1981-ci il təvəllüdlü Məlikov Rövşən Məlik oğlu və 1980-ci il təvəllüdlü Quliyev Akif Eldar oğlu Dövlət Yanğından Mühafizə Xidmətinin yanğınsöndürənləri tərəfindən xilas edilərək aidiyyəti üzrə təhvil veriliblər. Xəstəxanadan alınan məlumata görə, yaralıların vəziyyəti ağırdır.
Bölmənin digər xəbərləri
