İDMAN


Hədəf dünya çempionatından Vətənə medalla qayıtmaqdır

Bakı, 23 avqust, Leyla Qurbanova, AZƏRTAC

Kişi boksçulardan ibarət Azərbaycan yığma komandası dünya çempionatına ciddi hazırlaşır. Bakı Boks Mərkəzində keçirilən təlim-məşqlərdə “Qızıl Əlcək” idman klubunun yetirmələri də hazırlıqlarını davam etdirirlər. Sonda ən güclülər dünya çempionatında ölkəmizi təmsil edəcək heyətdə yer alacaqlar. Hədəf dünya çempionatından Vətənə medalla qayıtmaqdır.

Bu sözləri “Qızıl Əlcək” idman klubunun və 1 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin boks üzrə baş məşqçisi, Əməkdar məşqçi Rəhim Allahverdiyev sentyabrın 7-dən 21-dək Rusiyanın Yekaterinburq şəhərində keçiriləcək boks üzrə dünya çempionatına hazırlıqla bağlı AZƏRTAC-a məxsusi müsahibəsində deyib.

O qeyd edib ki, Azərbaycan boksçuları ötən illər ərzində dünya, Avropa çempionatlarında, Olimpiya Oyunlarında fərqləniblər: “Təmsilçilərimiz ötən illər ərzində dünya, Avropa çempionatlarında, Olimpiya Oyunlarında uğurla çıxış ediblər. Düşünürəm ki, boksçularımız bu nüfuzlu turnirdə də öz potensiallarından maksimum istifadə edəcəklər”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.