Latviyada Barrikada Müdafiəçilərinin Anım Günü qeyd edilib
Riqa, 22 yanvar, AZƏRTAC
Azərbaycanın Latviyadakı səfiri Cavanşir Axundov 20 Yanvar - Barrikada Müdafiəçilərinin Anım Günü münasibətilə bu ölkədə təşkil olunan tədbirdə iştirak edib.
AZƏRTAC xəbər verir ki, Latviya Seyminin sədri xanım İnara Murnietsenin rəhbərliyi ilə keçirilən mərasimdə ölkə ictimaiyyətinin tanınmış şəxsləri, dövlət və hökumət nümayəndələri iştirak ediblər.
20 Yanvar hadisələrinin Azərbaycan (1990) və Latviya (1991) xalqlarının milli azadlıq mübarizəsində oxşar tarixi mahiyyətini nəzərə alaraq, bu ölkədə fəaliyyət göstərən diplomatik korpusun nümayəndələrindən yalnız səfir C.Axundov tədbirə dəvət olunmuşdu.
Mərasim iştirakçıları faciə qurbanlarının məzarlarını ziyarət edib, “Azadlıq” abidəsinin önünə əklil qoyaraq Latviyanın azadlığı uğrunda həlak olanların xatirəsinə dərin ehtiramlarını bildiriblər.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
