Şimali Kiprdə yeni hökumət formalaşdırılır
Ankara, 15 may, AZƏRTAC
Şimali Kiprin Prezidenti Mustafa Akıncı yeni hökumət formalaşdırılmasını Milli Birlik Partiyasına (MBP) həvalə edib.
AZƏRTAC Türkiyənin rəsmi mənbələrinə istinadla xəbər verir ki, Prezident Mustafa Akıncı parlamentdə təmsil olunan 6 partiya sədri ilə görüşəndən sonra bu qərara gəlib və yeni hökumətin tərkibini müəyyən etməyi MBP-nin sədri Ersin Tatara tapşırıb.
Xatırladaq ki, ötən il yanvarın 7-də Şimali Kiprdə parlament seçkiləri keçirilib. Fevralın 2-də isə seçkilərdə mandat qazanan 4 siyasi partiyanın iştirakı ilə koalision hökumət qurulub.
Cari il mayın 8-də Demokrat Partiyasının sədri Serdar Denktaşın tutduğu maliyyə naziri vəzifəsindən istefa verməsi səbəbindən koalision hökumətdə böhranı yaranıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
