DÜNYA


Şri-Lankada ilin əvvəlindən bəri denge virusuna 8 mindən çox yoluxma qeydə alınıb

Pekin, 21 iyun, AZƏRTAC

Son günlər COVID-19 pandemiyası ilə vəziyyətin daha ağır olduğu bölgələrdən olan Cənubi və Cənub-Şərqi Asiya ölkələrində denge qızdırması da təhlükəli hal kimi qalmaqda davam edir. Şri-Lankada ilin əvvəlindən bəri bu virusa 8 min 139 yoluxma qeydə alınıb.

AZƏRTAC yerli KİV-lərə istinadla xəbər verir ki, bu barədə denge virusu ilə milli mübarizə bölməsi açıqlama yayıb. Bildirilir ki, zonalar üzrə ən çox yoluxma paytaxt Kolomboda qeydə alınıb. Səlahiyyətli qurumlar əhalini xəbərdar edərək, virusdan fərdi və kütləvi mühafizə tədbirlərinə diqqət yetirməyə çağırıb. Bu ölümcül virusun yayılmasının qarşısını almaq üçün ağcaqanadların toplaşa biləcəyi məkanların təmizlənməsi üçün xüsusi qruplar yaradılıb.

Qeyd edək ki, əsasən tropik və subtropik regionlarda müşahidə edilən denge xəstəliyi virus infeksiyasıdır. Əsas əlamətləri yüksək hərarət, ürəkbulanma, səpmə, baş və bel ağrıları olan xəstəliyin əsas daşıyıcıları “Aedes aegypti” ağcaqanadlarıdır. Ümumdünya Səhiyyə Təşkilatı sürətlə yayılan denge xəstəliyini insan səhhəti üçün ən böyük təhdidlər siyahısına salıb. İndiyə qədər bu virus əleyhinə xüsusi dərman mövcud deyil. Virusun XVIII əsrdən yayılmağa başladığı güman olunur. Amma onun virus kimi yayılması XX əsrin əvvəlində aydınlaşdırılıb.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.