DÜNYA


Ukraynada parlament seçkilərində seçicilərin 33,64 faizi səsvermədə iştirak edib

Kiyev, 21 iyul, AZƏRTAC

Yerli vaxtla saat 16:00-a olan nəticəyə görə, Ukraynada keçirilən növbədənkənar parlament seçkilərində seçici fəallığı 33,64 faiz olub.

AZƏRTAC xəbər verir ki, bu barədə Ukrayna Mərkəzi Seçki Komissiyası məlumat yayıb. Ən yüksək seçici fəallığı Jitomir və Xarkov vilayətlərində qeydə alınıb. Həmin vilayətlərdə seçicilərin 35 faizindən çoxu səsvermədə iştirak edib.

Qeyd edək ki, Ukraynada növbədənkənar parlament seçkiləri ilə bağlı səsvermə yerli vaxtla səhər saat 08:00-da başlayıb və axşam saat 20:00-da bağlanacaq.

Mərkəzi Seçki Komissiyası növbədənkənar parlament seçkilərində iştirak etmək üçün 22 partiyadan 2700 namizəd, təkmandatlı seçki dairəsindən isə 3200-dən çox nümayəndə qeydə alıb.

Növbədənkənar parlament seçkilərində 1719 xarici müşahidəçi qeydə alınıb. Bunlardan 1602-si beynəlxalq təşkilatların nümayəndələri, 117-si isə 12 xarici ölkədəndir. Ən çox xarici müşahidəçi ABŞ-dan qeydə alınıb – 42 nəfər.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.