İDMAN


“Yuventus” ardıcıl səkkizinci dəfə İtaliya çempionu olub

Bakı, 20 aprel, Nicat Məmmədov, AZƏRTAC

Turinin “Yuventus” klubu ardıcıl səkkizinci dəfə İtaliya çempionu adını qazanıb.

AZƏRTAC xəbər verir ki, aprelin 20-də A Seriyasının 33-cü turu çərçivəsində öz meydanında “Fiorentina”nı qəbul edən “Yuventus” rəqibini 2:1 hesabı ilə məğlubiyyətə uğradaraq rəqibləri üçün əlçatmaz olub.

“Qoca sinyora”nın qollarını Aleks Sandro (37) və German Petsela (53-cü dəqiqədə öz qapısına) vurublar. “Fiorentina”nın yeganə qoluna isə Milenkoviç imza atıb.

Bu qələbə sayəsində “Yuventus” aktivinə 87-ci xalı yazdıraraq vaxtından əvvəl “Skudetto”nu qazanıb.

Qeyd edək ki, “Yuventus” turnir cədvəlində ən yaxın izləyicisi “Napoli”ni 20 xal qabaqlayır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.