® Bu gündən “Rabitəbank” kart sahibləri birdəfəlik sosial müavinətlərini alacaqlar
Mayın 13-dən “Rabitəbank” kart sahibləri 190 AZN birdəfəlik sosial müavinətlərini alacaqlar
Bu gündən etibarən vətəndaşların kart hesabına birdəfəlik müavinətlər köçürülməyə başlanılıb.
Nazirlər Kabineti tərəfindən təsdiq edilmiş Tədbirlər Planında işsiz kimi qeydiyyata alınan şəxslərə may ayında hər ay üçün yaşayış minimumu həcmində (190 manat) birdəfəlik ödəmə verilməsi nəzərdə tutulub. Ötən həftə “Rabitəbank” tərəfindən 28 min 500 nəfərdən çox vətəndaşa birdəfəlik ödəmələrin təqdim olunması üçün verilən lokal plastik kartlara bu gündən etibarən vəsaitin köçürülməsinə başlanılıb. Vətəndaşlar onlar üçün təyin olunmuş müavinətləri istənilən “Rabitəbank” ATM-lərindən nağdlaşdıra biləcəklər.
“Rabitəbank” Azərbaycanın 16 regionu və Bakı şəhərində 25 xidmət məntəqəsi və 68 ATM-i, “Rabitəbank Mobile” adlı mobil əlavəsi, “İnternet bankinq” və “RabitaBot” adlı çatbotu, 133 nömrəli Çağrı mərkəzi ilə müştərilərin xidmətindədir.
Bölmənin digər xəbərləri
