® “NEQSOL Holding” Azərbaycanda ən iri vergi ödəyiciləri sırasında
Bakı, 17 fevral, AZƏRTAC
“NEQSOL Holding”in tərkibində olan dörd şirkət Azərbaycanda 2024-cü ildə ən çox vergi ödəyən 100 vergi ödəyicisi siyahısına daxil olub. Qeyd edilən siyahı Azərbaycan Respublikası Dövlət Vergi Xidməti tərəfindən açıqlanıb.
Ümumilikdə “NEQSOL Holding”in tərkibinə daxil olan şirkətlər ötən il Azərbaycanda 171,1 milyon AZN məbləğində vergi ödənişləri həyata keçiriblər. Beləliklə, “NEQSOL Holding” ölkənin dövlət büdcəsinə ən böyük töhfə verənlərdən biri olub.
Holdinqin tərkibində ən iri vergi ödəyiciləri sırasında “Norm”, “Bakcell”, “Azerconnect Group”, “Nobel Energy Group” (“Global Energy Solutions” və s.), həmçinin digər şirkətlər yer alır.
“İri vergi ödənişləri ilə yanaşı, NEQSOL Holding, həmçinin dayanıqlı biznes strategiyaları, davamlı sərmayələri, iş yerlərinin yaradılması və cəmiyyətin rifahına yönəlmiş sosial təşəbbüsləri ilə ölkə iqtisadiyyatının inkişafına öz töhfəsini verir. Bu sahələrdə nailiyyətlər NEQSOL Holding-in şəffaflığa, iqtisadi inkişafa və korporativ sosial məsuliyyətə sadiqliyini bir daha əks etdirir” - NEQSOL Holding-in Baş Direktoru Yusif Cabbarov qeyd edib.
“NEQSOL Holding” telekommunikasiya, enerji, tikinti və yüksək texnologiyalar sahəsində 11 ölkədə fəaliyyət göstərən beynəlxalq şirkətlər qrupudur. Holdinq Azərbaycanda biznesinin inkişafına xüsusi diqqət yetirir. “NEQSOL Holding” gələcəkdə də fəaliyyətini genişləndirərək, Azərbaycanın iqtisadi və sosial inkişafına töhfə verməyə davam edəcək.
Bölmənin digər xəbərləri
