® Veysəloğlu Şirkətlər Qrupu oktyabr ayı üzrə Pərakəndə İndeksini açıqladı
Oktyabr ayı üzrə “Veysəloğlu Pərakəndə İndeksi” 105,0 faiz təşkil edir
Veysəloğlu Şirkətlər Qrupu müştərilərinin ən çox satın aldığı 4317 adda məhsulu nəzərə alaraq hazırladığı pərakəndə satış indeksini hər ay ictimaiyyət və maliyyə qurumları ilə paylaşır.
Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir.
Orta illik göstəriciyə əsasən oktyabr ayı üzrə qiymətlərdə 5 faiz artım olub.
2021-ci ilin oktyabr ayında “Veysəloğlu Pərakəndə İndeksi”nə daxil edilən məhsulların qiymətində 2020-ci ilin oktyabr ayına nisbətən 10,1 faiz artım olub. Qeyd edək ki, 2021-ci ilin oktyabr ayında təzə qida məhsullarının (qısamüddətli istifadəyə yararlı istehlak məhsulları) qiymətində 2020-ci ilin oktyabr ayına nisbətən 10,9 faiz, qida və spirtsiz içkilərdə 10,8 faiz, alkoqol və tütün məmulatlarında isə 5,8 faiz artım müşahidə edilib.
27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.
Bölmənin digər xəbərləri
