AAYDA sədri Salyan və Neftçaladan olan vətəndaşları qəbul edəcək
Bakı, 25 mart, AZƏRTAC
Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov martın 27-də Salyan rayonunda vətəndaşları qəbul edəcək.
AAYDA-dan AZƏRTAC-a bildirilib ki, qəbul saat 11:00-da Salyan rayonu Heydər Əliyev Mərkəzinin inzibati binasında keçiriləcək. Qəbulda Salyan və Neftçala rayonlarının sakinləri iştirak edə bilərlər. Qəbula yazılmaq istəyənlərin Salyan rayonu “44 nomrəli Yol İstismarı” və Neftçala rayonu “50 nomrəli Yol İstismarı” MMC-lərində öncədən qeydiyyatdan keçmələri xahiş olunur. Vətəndaşlar qəbula şəxsiyyətini təsdiq edən sənədlə gəlməli və qaldırdıqları məsələlər Agentliyin səlahiyyətlərinə aid olmalıdır. Qəbul mərkəzi icra hakimiyyəti orqanlarının və digər idarəetmə qurumlarının rəhbərlərinin 2023-cü ilin mart ayında şəhər və rayonlarda vətəndaşların qəbulu cədvəlinə uyğun olaraq baş tutacaq.
Bölmənin digər xəbərləri
