ABDULLA GÜL ABŞ-DA YAŞAYAN TÜRKLƏRLƏ GÖRÜŞMÜŞDÜR
BMT-nin Baş Assambleyasının iclasında iştirak edən Türkiyə Respublikasının baş nazirinin müavini və xarici işlər naziri Abdulla Gül Nyu-York şəhərindəki “Türk evində” bu ölkədə yaşayan həmvətənləri ilə görüşmüşdür. Görüşdə çıxış edən Abdulla Gül, xəstə erməni təfəkkürünün məhsulu olan “soyqırım” iddialarına diqqət çəkərək, Türkiyənin Xarici İşlər Nazirliyində bu məsələ ilə əlaqədar komissiya yaradıldığını bildirmişdir. Gələn ilin aprel ayında ermənilərin “soyqırım”ın 90-cı ildönümünü qeyd etməyə hazırlaşdığını nəzərə çarpdıran nazir, Türkiyənin də bu yalan və iftira dolu təbliğat qarşısında səssiz qalmayacağını vurğulamışdır.
ABŞ-da yaşayan soydaşlarına müraciət edən Abdulla Gül onların yaşadığı ölkədəki siyasi həyatda daha fəal rol oynamağa çağırmışdır. Xarici ölkələrdə milyonlarca türkün yaşadığını vurğulayan nazir, onların böyük siyasi potensial təşkil etdiyini qeyd etmişdir.
Bölmənin digər xəbərləri
