ABŞ-da təyyarə qəzasında həlak olanların cəsədləri çaydan çıxarılıb
Bakı, 3 fevral, AZƏRTAC
Vaşinqtonda təyyarə və helikopterin toqquşması nəticəsində həlak olan 67 nəfərdən 55-nin cəsədləri çaydan çıxarılıb.
AZƏRTAC xəbər verir ki, bu barədə Vaşinqton şəhərinin yanğınsöndürmə xidməti məlumat yayıb. Bildirilib ki, digər şəxslərin də meyitlərinin yeri müəyyən olunub. Əməliyyatlar sonuncu cəsəd çıxarılanadək davam edəcək. Qəzaya uğrayan təyyarənin füzelyajının çıxarılması üçün hazırlıqlar tamamlanıb. Çıxarılma əməliyyatı gün ərzində həyata keçiriləcək.
Qeyd edək ki, ötən həftə Vaşinqtonda helikopterlə təyyarənin toqquşması nəticəsində 67 nəfər həlak olub.
Bölmənin digər xəbərləri
