ABŞ DÜNYADA TERRORİZMƏ QARŞI MÜBARİZƏYƏ 28 MİLYARD DOLLARDAN ÇOX VƏSAİT SƏRF ETMİŞDİR
İTAR-TASS Agentliyindən AZƏRTAC-a daxil olan məlumata görə, ABŞ 2001-ci ilin sentyabrından 2002-ci ilin sentyabrına qədər terrorizmə qarşı elan etdiyi qlobal mübarizə kampaniyasına 28 milyard dollar sərf etmişdir. Bunu fevralın 21-də jurnalistlərə Pentaqonun rəsmi nümayəndəsi Geri Kek bildirmişdir. Onun sözlərinə görə, ABŞ hökuməti həmin məqsədlər üçün hər ay 1,6 milyard dollar ayırır. Bunun 750 milyon dolları ABŞ-ın Əfqanıstandakı fəaliyyətinin maliyyələşdirilməsinə gedir.
Müdafiə Nazirliyinin əməkdaşı bildirmişdir ki, Vaşinqtonun terrorizmlə mübarizəyə yönəldilən xərclərinin İraq hadisələri ilə əlaqədar yaxın həftələrdə xeyli artacağı gözlənilir. Kek demişdir ki, ABŞ indiyədək qoşunların və hərbi texnikanın Fars körfəzinə göndərməsinə 2,3 milyard dollar xərcləmişdir.
Bölmənin digər xəbərləri
