ABŞ HDQ rəhbərliyi Cənub Ştatları Konfederasiyasının bayrağı haqqında qərar qəbul etməyə hazırlaşır
Vaşinqton, 10 iyun, AZƏRTAC
ABŞ Hərbi Dəniz Qüvvələrinin (HDQ) hərbi-dəniz əməliyyatlarının rəisi admiral Maykl Gildey iyunun 9-da bəyan edib ki, bütün ictimai yerlərdə və hərbi dəniz obyektlərinin, gəmilərin, təyyarələrin və sualtı qayıqların işçi zonalarında Konfederasiyanın döyüş bayrağının asılmasını qadağan edən qaydalar hazırlamaq barədə qərargaha tapşırıq verib.
AZƏRTAC xəbər verir ki, ABŞ ordusunun rəhbərliyi də Konfederasiyanın ordusunun və administrasiyasının keçmiş nümayəndələrinin adları verilmiş ABŞ ordu qarnizonlarının adlarını dəyişməyə hazır olduğunu bildirib. ABŞ ordusunun rəsmi nümayəndəsi iyunun 8-də POLITICO qəzetinə müsahibəsində bildirib ki, Konfederasiyanın liderlərinin şərəfinə adlandırılmış 10-a yaxın hərbi baza və obyektin adları dəyişdiriləcək, iyunun 9-da isə Qərargah Rəisləri Birləşmiş Komitəsinin sədri Mark Milli həmin 10 hərbi bazanın adının dəyişdirilməsi məsələsinin öyrənilməsi planını bəyəndiyini bildirib.
Bu dəyişikliklər afroamerikalı Corc Floydun ağdərili polisin əlində ölümü nəticəsində başlanmış etiraz aksiyaları ilə bağlıdır.
AZƏRTAC-ın Vaşinqton bürosu
Bölmənin digər xəbərləri
