ABŞ “KATRİNA” QASIRĞASININ NƏTİCƏLƏRİNİ BORC HESABINA ARADAN QALDIRACAQ
Konqresdə bitərəf Budcə Ofisinin direktoru Duqlas Holts-İkin bunda təəccüblü bir şey görmür: “Katrina” bölgə və insanlar üçün ağır nəticəli hadisə olsa da, iqtisadiyyat bunun öhdəsindən gələ bilər. Bərpa işlərini borc hesabına maliyyələşdirmək mümkündür”. Holts-İkin bildirir ki, Konqres və Corc Buşun qarşısında bərpa işlərini hansı vəsait hesabına aparmaq kimi ağır seçim durur. Bu, vergiləri artırmaq, büdcə xərclərini azaltmaq və yaxud xarici maliyyə hesabına ola bilər. ABŞ hökuməti nə birinci, nə də ikinci yolu seçmək fikrindədir.
Xəzinədarlığın son hesablamalarına görə, yalnız iyul ayında xarici iş adamları ABŞ-a 101,4 milyard dollar sərmayə yatırıblar. “Vaşinqton Post” qəzəti yazır ki, hər bir borc geri qaytarılmalı olduğu kimi, bu halda da Amerikanın gələcək nəslinin çiyinlərinə yük düşəcəkdir. Bugünkü rəqəmlərə görə, ABŞ hökumətinin mövcud borcları 2,03 trilyon dollar və ya adambaşına 6,846 dollardır.
İqtisadi təhlilçilərin fikrincə, İraq və Əfqanıstandakı xərcləri, habelə milli qənaətlərin aşağı səviyyədə olmasını nəzərə alaraq, “Katrina”nın nəticələrini aradan qaldırmaq üçün milyonlarla dollar borc götürmək təhlükəlidir. Onlar deyirlər ki, “bu addım bizi gələcəkdə təqib edəcəkdir”.
Bölmənin digər xəbərləri
