ABŞ Qəzzada sabitləşdirmə qüvvələrinə 206 milyon dollar vəsait ayıracaq
Bakı, 20 avqust, AZƏRTAC
Tramp administrasiyası Qəzza zolağında Beynəlxalq Sabitləşdirmə Qüvvələri (ISF) üçün 206 milyon dollardan çox maliyyələşdirmə ayrılması barədə Konqresə məlumat verib.
AZƏRTAC xəbər verir ki, bu barədə “Reuters” agentliyi məlumat yayıb.
Dövlət Departamentinin bildirişlərinə görə, ISF-in avadanlıq, infrastruktur, nəqliyyat və əməliyyat xərcləri üçün 200 milyon dollar ayrılıb. Amerika zirehli texnikalarını dəstəkləmək üçün onların modernləşdirilməsinə əlavə 6 milyon dollar ayrılması planlaşdırılır.
Agentliyin qeyd etdiyi kimi, bu, Trampın Qəzza zolağını yenidən qurmaq planı çərçivəsində ABŞ-dan ilk əhəmiyyətli maliyyələşdirmədir.
Bölmənin digər xəbərləri
