Abşeron rayonunda piyadanın ölümü ilə nəticələnən yol-nəqliyyat hadisəsi baş vermişdir
Bakı, 18 noyabr (AZƏRTAC). Bakı şəhər sakini Hikmət Şirinov idarə etdiyi “Daewoo” markalı avtobusla Abşeron rayonunun Mehdiabad qəsəbəsinin ərazisində Saatlı rayon sakini Vüqar Fərəcovu vurmuşdur. Piyada hadisə yerində ölmüşdür.
Şəkidə isə şəhər sakini Süleyman Zamanovun idarə etdiyi “VAZ-2106” və Balakən rayon sakini Elşən Osmanovun idarə etdiyi “Hyundai” markalı avtomobillər toqquşmuşdur. S.Zamanovun avtomobilində olan həyat yoldaşı Ülviyyə Salamova və oğlu Zəkəriyyə Zamanov xəstəxanaya çatdırılmışdır. Ü.Salamovanın həyatını xilas etmək mümkün olmamışdır.
Daxili İşlər Nazirliyinin mətbuat xidmətindən AZƏRTAC-a bildirmişlər ki, hər iki hadisə ilə bağlı cinayət işi açılmışdır, araşdırmalar davam etdirilir.
Bölmənin digər xəbərləri
