Abşeron rayonunda vətəndaşı şantaj edərək pulunu alan şəxs yaxalanıb
Bakı, 5 may, AZƏRTAC
Abşeron rayonunda vətəndaşı şantaj edərək pulunu alan şəxs yaxalanıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Abşeron rayon sakini S.Ələsgərli Bakı şəhər sakini V.Həsənovdan barəsində rüsvayedici məlumatları sosial şəbəkədə yaymaq hədəsi ilə tələb etdiyi 2 min manat məbləğində pulu alarkən Baş Mütəşəkkil Cinayətkarlıqla Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində saxlanılıb. Axtarış zamanı ondan 7 qrama yaxın metamfetamin götürülüb.
Faktla əlaqədar Cinayət Məcəlləsinin 182-ci (hədə-qorxu ilə tələb etmə) və 234-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə cinayət işi başlanıb.
Bölmənin digər xəbərləri
