“ADES” FƏALİYYƏT FORMALARINI TƏKMİLLƏŞDİRİR
Burada 5 ildən artıq sabit fəaliyyət göstərən firma məişət və sənaye tullantılarının toplanması və onlardan istifadə olunması ilə məşğuldur.
“M.A.N.” Almaniya firmasının maşınları Sumqayıt sakinlərinin diqqətini ilk gündən cəlb etmişdir. Tullantıları eyni vaxtda doğrayan, presləyən, sonra isə kip bağlayan bu maşınlar böyük tutuma, bir neçə maşının işini görmək imkanına malikdir. Şəhər icra hakimiyyətinin müəssisələrə hədiyyə etdiyi, parklarda, bağçalarda, eləcə də idarə və müəssisələrin ərazilərində qoyulmuş yeni plastik konteynerlər də sumqayıtlıların ürəyincədir.
AZƏRTAC-ın müxbirinə bildirilmişdir ki, yaxın günlərdə zibil konteynerləri üçün polietilen torbaların istehsalına başlanacaqdır. Bu isə yüzədək şəhər sakinini işlə təmin etməyə imkan verəcəkdir. Məişət tullantılarını çeşidləyən qurğunun istifadəyə verilməsi ilə isə daha 50 yeni iş yeri açılacaqdır.
