Afaq Əliyeva: Qızılca əleyhinə peyvəndləmənin 40 yaşa qədər aparılması məqsədəuyğundur
Bakı, 27 dekabr, AZƏRTAC
“Hazırda qızılca xəstəliyinin əsasən 17 yaşa qədər, eyni zamanda, tək-tək hallarda 40 yaşa qədər vətəndaşlar arasında qeydə alındığını nəzərə alaraq, peyvəndləmənin həmin yaşa qədər əhali arasında aparılması məqsədəuyğundur”.
AZƏRTAC xəbər verir ki, bu fikirləri Səhiyyə Nazirliyinin rəsmi instaqram hesabında “Qızılca” mövzusunda canlı yayımda Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva açıqlayıb.
A.Əliyeva qeyd edib ki, 40 yaşdan yuxarı olanlarda da qızılca əleyhinə peyvəndi olmayan və qızılca xəstəliyi keçirməyən, əsasən risk qrupuna aid olan tibb işçilərinə, ümumtəhsil və məktəbəqədər uşaq müəssisələrində işləyən, nəqliyyat və digər xidmət sahələrində çalışan şəxslərə də qızılca-məxmərək əleyhinə QM peyvəndi vurula bilər: “Qeyd edim ki, peyvəndlər aparılarkən tibbi əks-göstərişlər nəzərə alınmalıdır”.
Bölmənin digər xəbərləri
