AFFA MƏKTƏBLİLƏR ARASINDA KEÇİRDİYİ SORĞUNUN QALİBLƏRİNİ MÜKAFATLANDIRMIŞDIR
AFFA-dan AZƏRTAC-a bildirmişlər ki, ölkəmizdə futbolun kütləviliyini artırmaq məqsədilə qurum müxtəlif layihələr həyata keçirir. Xüsusən uşaq və yeniyetmələrin futbola olan marağını artırmaq məqsədilə bir çox işlər görülür.
Ölkə Prezidenti İlham Əliyevin imzaladığı “Azərbaycan Respublikasında 2005-2015-ci illərdə futbolun inkişafına dair Dövlət Proqramı” çərçivəsində görülən işlərin tərkib hissi kimi qeyri-futbol təşkilatları da AFFA ilə birgə müəyyən layihələr həyata keçirirlər. Belə layihələrdən biri də AFFA ilə “Şəkər Villası” qəzetinin məktəblilərin futbol haqda biliklərinin artırılması məqsədilə birgə təşkil etdiyi sorğu omuşdur.
Sorğuda iştirak edən şagirdlərə ölkə futboluna dair suallar ünvanlanmışdır. Suallara doğru cavab göndərən şagirdlər assosiasiya tərəfindən müxtəlif hədiyyələrlə mükafatlandırılmışlar. Qaliblər arasında qızlar da var.
Bölmənin digər xəbərləri
