AFFA-nın icraçı vitse-prezidenti UEFA-nın iclasında hesabat məruzəsi ilə çıxış edib
Bakı, 8 aprel, AZƏRTAC
UEFA-nın Ədalətli Oyun və Sosial Məsuliyyət Komitəsinin videokonfrans formatında iclası keçirilib.
AZƏRTAC xəbər verir ki, AFFA-nın icraçı vitse-prezidenti, komitənin sədri Elxan Məmmədov iclasda rəhbərlik etdiyi komitənin illik fəaliyyəti barədə hesabat məruzəsi ilə çıxış edib.
Məruzədə digər məsələlərlə yanaşı, UEFA Konfrans Liqası çərçivəsində bu il fevralın 24-də keçirilmiş “Qarabağ” - “Marsel” oyununda qeydə alınmış fair-play hadisəsi xüsusi olaraq UEFA İcraiyyə Komitəsinin üzvlərinin diqqətinə çatdırılıb.
Xatırladaq ki, “Qarabağ” - “Marsel” oyununda Ağdam təmsilçisinin vurduğu qol hakim tərəfindən qeydə alınmış, baş məşqçi Qurban Qurbanov futbolçularla qısa dialoqdan sonra referiyə qolun qaydalara uyğun olmadan vurulduğunu bildirmiş və qol qərarı ləğv edilmişdi. Bu məsələ UEFA-nın Ədalətli Oyun və Sosial Məsuliyyət Komitəsinin martın 14-də keçirilən iclasında da müzakirə olunmuşdu.
Bölmənin digər xəbərləri
